አትሸበሩ ፀንታችሁ ቁሙ
ዛሬ የምታዩአቸውን ግብፃዊያንን
ዳግም አታዩአቸውምና

እግዚአብሔር ተዋጊ ስሙም እግዚአብሔር ነው
የፈርኦንን ሰረገሎች ባህር ውስጥ ጠላቸው
ፈረሱንና ፈረሰኛውን በባህር ጥሎአልና
ክብር ለእግዚአብሔር ለሆነው ገናና

ፈርኦን ከኃላዬ ቢገሰግስም
ሊይዘኝ ሳይሆን ነው ለመስጠም
ተስፋ ቢያስቆርጠኝ የጊዜው ሁኔታ
እግዚአብሔር አይጥልም ከቶ ለአንድ አፍታ

ክፍተት ፈልጎ በሕይወቴ ቀዳዳ
ለጥፋት ጥፍሮቹን ሲያሳየኝ
መቼ አባቴ ይተኛል ስለእኔ
አሁንም ህያው ነው ኪዳኔ

እግዚአብሔር ይመራል ልጆቹን በድንቅ
ቀን ላይ በደመና ሌሊት በእሳት አምድ
እየመራኝ ወስዶ ወደ ተስፋ መንገድ
ልቤ አይደነግጥ ከቶ አልወላገድ